038 558 600 
info@akademiaevolucion.com
Me datë 12/04/2025, në kuadër të ngjarjes së njohur Prishtina Fashion Night 2025, studentët e Akademisë prezantuan punën e tyre krijuese përmes koleksionit tematik “Contemporary Thread”. Ky koleksion përfaqësonte një qasje konceptuale ndaj modës, ku koha trajtohet si një element jo-lineal-e shtresëzuar, e ndërthurur dhe e rishpikur përmes dizajnit.
Nën këtë temë, studentët sollën vepra që reflektojnë ndërthurjen e elementeve historike me qasje bashkëkohore dhe detaje futuristike. Çdo krijim ishte një përpjekje për të vendosur në dialog të kaluarën me të tashmen dhe të ardhmen, duke e trajtuar veshjen si formë komunikimi vizual dhe artistik.Pjesëmarrja në këtë ngjarje të rëndësishme të modës dëshmon përkushtimin e studentëve tanë ndaj eksperimentimit, kërkimit artistik dhe avancimit profesional në fushën e dizajnit të modës. Akademia mbetet e përkushtuar në mbështetjen e talenteve të rinj dhe ofrimin e hapësirave për shprehje kreative dhe zhvillim profesional.
